致 梁佩瑚小姐
妳好，剛拜讀過貴專欄後，現誠解答一下梁小姐的問題。
「老實說，如果有下一代，我更加不會投票，因為我不想每日帶着20張刀遊行示威的是我的子女，近日真感到香港已變成一個可怕的城市了。」
「每日帶着20張刀遊行示威」
一般人參加遊行示威係唔會帶20張刀，首先無咁嘅需要；其次，就算古惑仔劈友，陳浩南都唔會帶著20把刀喺身，因為太重。真係帶著刀嗰個叫傅振中，佢上《城市論壇》舞「界刀」但差人都無拉。所以妳可以放心，除非妳都知差人會選擇性執法咁仆街啦。
「我不想每日遊行示威的是我的子女」
因與果嘅關係，妳今日唔投票，他日要「每日遊行示威」嘅咪係妳嘅子女囉。
「近日真感到香港已變成一個可怕的城市了。」
同上，都係多謝妳呢種人縱容不公不義，香港先會「變成一個可怕的城市了」。
「若要笑我是個不懂政治的無知婦孺，我只好承認我是。
要不，我不會在1989年去參選香港小姐；要不，當天拒絕一個政治家的追求，我不會用上「因為你喜歡政治」這理由。」
「無知婦孺」，妳自己都知自己係，好好，多謝妳坦白，但我唔會取笑妳，無知唔係罪......但無知又扮知就係罪啦。「參選香港小姐」唔代表妳係無知婦孺，起碼我唔覺得郭藹明係，唔好拉其他香港小姐落水；用上「因為你喜歡政治」呢個理由拒絕一個政治家嘅追求，亦只表明妳對嗰條政治家無 feel，又或者佢搞嘅唔係妳喜歡嘅政治，撈唔到油水；呀話分兩頭，我亦唔知香港係有「政治家」，因為我一路都以為香港只有「政棍」。
祝 心安理得
素顏天使 上
沉默不表態，其實都係「言論自由」o既一種。當然今時今日香港俾一班政治垃圾搞到烏煙瘴氣，是非黑白顛倒晒荼毒年輕一代，我哋呢一眾為口奔馳o既普通市民如果唔出言駁斥歪理的話，或許未必對得住替我哋打下厚實基礎o既前人。但就算大家選擇依然故我，對亂局不聞不問，我哋亦會理解、尊重、明白。畢竟，平日搵食已經令人非常疲累，工餘要再花心思學人批判時事，傻的嗎？
偏偏喺香港自命「信公義，行憐憫」o既民主眾唔係咁諗。你唔支持或替佢哋爭取緊o既議題發聲，輕o既就話你係「無知港豬」，病重o既就一口咬定你係「收錢五毛」，不表態，已經唔係一個選項。喺佢哋眼中，只剩低黑同白，你想企喺中間隔岸觀火？唔好意思，港式民主無呢家嘢賣的。眼見呢種咁反智o既民主自由，版B完全明白前香港小姐梁佩瑚小姐o既感受。請容我喺度分享佢噚日o既專欄文章抒發吓對港式民主o既不安。
B
2014/7/2
插圖：版A
=============================================
瑚說百道：可怕的城市
近日不論在網上平台或是手機短訊都有很多人叫我投票，又或是問「你投咗未」，我都只會簡單的回答一句：「對不起，不投。」
如此決絕的答案，令大多數人都對我死心，可是還有人企圖說服我：「為了下一代，盡一點力吧！」於是我便再決絕一點的回應：「我沒有下一代，事不關己。」
老實說，如果有下一代，我更加不會投票，因為我不想每日帶着20張刀遊行示威的是我的子女，近日真感到香港已變成一個可怕的城市了。
我不投票，有錯嗎？我自問沒有，因為這是我的個人意願。在電腦上按一個掣真的比在網上購物更簡單，可是若我不了解整件事的來龍去脈，為甚麼我要人云亦云的去投這一票？
若要笑我是個不懂政治的無知婦孺，我只好承認我是。
要不，我不會在1989年去參選香港小姐；要不，當天拒絕一個政治家的追求，我不會用上「因為你喜歡政治」這理由。
人生在世，我只求在這世上安安穩穩的過活，做些我喜歡和有興趣的事，要我在大熱天時上街遊行？不可能。若因為我拒絕投票，或參與政治活動便判斷我是有罪的，那麼你又懂得甚麼是自由嗎？
http://orientaldaily.on.cc/…/lifest…/20140701/00378_001.html
Search